منتديات كفر الجنينة البحرى

منتديات كفر الجنينة البحرى

منتدى اجتماعي ثقافي علمي
 
الرئيسيةالرئيسية  كفر الجنينةكفر الجنينة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  المجموعاتالمجموعات  التسجيلالتسجيل  دخولدخول  
لاكتمال عملية التسجيل بنجاح يجب الذهاب الى رسائل البريد الالكترونى وتنشيط الحساب او سنقوم نحن بتشيط الحساب فى خلال 24 ساعة
جمعية نهضة كفر الجنينة معا من اجل مستقبل افضل لابنائنا

شاطر | 
 

 جتنا نيلة في حظنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فتحي عيسي



عدد المساهمات : 6
نقاط : 2153
السٌّمعَة : 0
تاريخ التسجيل : 15/11/2011

مُساهمةموضوع: جتنا نيلة في حظنا   الخميس نوفمبر 17, 2011 1:28 am

[size=24]
جتنا نيلة في حظنا
بقي بعد مهدينا جبال
وشقينا بطن التعبان
وحررنا مصرنا
وقفنا ديدبان
وحلفنا ما نتحرك مننا
فرصة وجت عالطبطاب
لية منقولش همنا
لية منخدش حقنا
ليه منتكلمش بنفس واحد كلنا
ديه مصرنا
جتنا نيلة في حظنا
سايبنها تغرق في ديونها
وبرضه واقفين ضدنا
كلنا أصحاب قرار
كلنا فاهمين عننا
السياسة بقت خضار
بنطبخها عندنا
عايزين كل حاجة الآن
انشالله نبيع عمرنا
نقف عل باب الزمان
ونشحت كلنا
ميهمناش احنا عملنا
مكملناش
مين قدنا
جتنا نيلة في حظنا
ماشيين ورا كل خيط
مش شايفين الباب مالحيط
وبندور لبعضنا
بنولع فينا بإيدينا
وبنكتب عالخيبةأدينا
بنحرر نفسنا
جتنا نيلة في حظنا
كنا في قفص القرود
بنتنطط علي بعضنا
كسرنا القفص ولسه القرود
بتنط قبلنا
أمتي هنبص مرة قدامنا
مش علي طول ف حجرنا
عملنا اللي محدش عمله
وبرضه بنزفنا
بالطبلة والصاجات
وبنرقص مصرنا
فوقوا ياعالم بقي
نفسنا مرة نضمنا
نعرف قيمة عملنا
قيمة مصرنا
نلم كسرنا نحوط علي اللي جي
بروحنا بدمنا
شهداءنا هيروحوا بلاش
لو فضلنا علي قهرنا
اللي راح واللي مجاش
ولسه بنشك في أمنا
جتنا نيلة في حظنا
طلعنا محمومين من سجننا
بناكل في الهوا سعرانين
ولا حاجة بتلمنا
عايزينهم يرجعو تاني
بالعصايا والكرباج
فين عقلنا
الصبر يابشر علي مصرنا
جتنا نيلة في حظنا
فتحي عيسي
الأحد الفجر الساعة 2
الرياض 3-4-2011


[/siz
الرجوع الى أعلى الصفحة اذهب الى الأسفل
 
جتنا نيلة في حظنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كفر الجنينة البحرى  :: أقسام المنتدى :: منتديات الشعر والآدب :: صفحة أ / فتحي عيسى-
انتقل الى: